الجمعة، يناير 19، 2007

نجم هو الوحيد اللى فاهم، أنا لسه معرفتش الحل


كشف الرافضين
ببطارية ماركه - نانسين -
يهوديه عربيه
سته مشاغبين
وستميه سته وستين
واتنين صنايعيه
سبعة مداقرين
وسبعميه سبعه وسبعين
غاويين شيوعيه
ألف وستين
وربعميه
منهم عشرين
وتلاته وطنيه
أما الباقيين
فألف ميه وتمانين
طلاب وشضليه
تسعه وتمانين
من إللي راحوا تشرين
تحت المعديه
يبقي موافقين
حسب انضباط القوانين
والحسبه شرعيه
تسعه وتسعين وتسعميه وتسعه وتسعين
من ألف في الميه
أجري التدوين
بمبني بندر قافشين
وبلجنه مدنيه
طرطور الدين
رئيس نيابة هابشين
وشكوكو عدويه
وحسين حابسين ضابط مباحث عابدين
والست سريه
لجنة
عشرين
شبرا ومغاغة
وقلين
أسوان دقهلية

هناك تعليق واحد:

وجع دماغ waga3 Demagh يقول...

اتهريت من اصحابى ايميلات وفوروردات مليانة قصايد منسوبة زورا لنجم، ورغم ان ده ضايقنى غلا انى وجدته شئ مثير، كل واحد عاوز يقول كلمتين ضد النظام الغبى اللى حاكمنا يستخدم الاسم الحركى ويمضى احمد فؤاد نجم، انا سألته فى الحكاية دى قاللى كلمة تختصر حكمة الراجل العظيم ده، قاللى شوف يا وجع، انا اتسجنت يجى عشرين سنة بل الجماعة اللى بيكتبوا باسمى دول، سيبهم بقى يتحامو فى، سيبهم

فعشان كده سيبتهم